SJÖ.......

Enn rignir.

Í gærkvöldi fór ég með Valdísi, Rögnu og Gullu á Kaffi Hornið og við áttum þar ljúfa og skemmtilega stund enda ekki hægt að láta sér leiðast í þeim félagsskap.  Stelpur - þið eruð alveg frábærar!!

Í dag bauð Sesselja nokkrum bestu vinum sínum (10 stk) á Hótelið í pizzu.  (Myndir væntanlegar).  Það voru:  Arney, Elín Ása, Agnes, Hildur, Hafdís, Birna Luna, Ingibjörg Valgeirs, Inga Kristín, Eyjalín, Stefán Reynir og Hákon Logi.  Það var ægilega gaman og Sesselja var leyst út með mörgum góðum gjöfum.  Einhverjir ungir herramenn eru þó ekki alveg sáttir við að hún sé að flytja í burtu frá þeim!  Spurning hvort sprundið eigi eftir að heilla sænsku strákana jafnmikið!  Nú erum við búin að leggja Svíana í handboltanum.  Kannski þetta verði næsta baráttumál þjóðanna?

Krakkar - ef þið eruð með netfang eða bloggsíðu sendið okkur þá endilega upplýsingar svo að Sesselja geti verið í sambandi við ykkur.

Í kvöld snæddum við svo lambalæri með Valdísi, Braga og tengdó.   Mmmmmmm.....

Athugasemdir

[Bertha Sigmundsdóttir, 15.6.2006 kl. 15:12]

Jæja, þetta er allt að koma hjá ykkur, mikið hefði nú verið gaman að koma til ykkar í Lambalæri, mmmmmm. Ég verð nú bara að koma til Svíþjóðar í svoleiðis vellystingar næst. Gaman að heyra að Sesselja og Rebekka eru búnar að hafa kveðjupartý með vinum sínum, en Diljá mín hefur sko alveg rétt fyrir sér, stór flugvél er sko ekkert skemmtileg!!! Ég óska ykkur alls hins besta og get ekki beðið með að fylgjast með ykkur í gegnum þetta ævintýri. Kossar og knús til ykkar allra og gaman að sjá að Óla Kalla líður betur, og Heiða mín, þú færð vonandi að slaka á eftir nokkrar vikur þegar þú ert búin að koma þér fyrir í sólinni í Svíþjóð...