FERTUG OG FÆR!

Jæja, ég lifði það af að verða fertug og verð að segja að mér hefur sjaldan eða aldrei liðið betur.  Eitthvað annað en fyrir 10 árum síðan þegar ég gat ekki sagt aldur minn upphátt í heila viku á eftir!  Neibb - það er bara flott að vera fertug og ég vil taka það fram að bloggleysi mitt upp á síðkastið hefur ekkert að gera með hækkandi aldur minn, heldur heilsuleysi tölvunnar minnar.

Afmælisdagurinn leið með ró og spekt.  Hér var vöfflukaffi fyrir fjölskylduna og afmæliskaka í boði ICA (hið sænska "Hagkaup" sendi mér semsagt gjafakort upp á rjómatertu í tilefni dagsins - ekki slæmt!)

Ég vil þakka öllum þeim sem hringdu og glöddu mig á þessum merkisdegi  (voða formleg sko - orðin fertug!)

Annars er það helst að frétta að snillingurinn minn, frumburðurinn sem um þessar mundir vinnur á kassa í Nettó á Hornafirði, tók þátt í ljóðasamkeppni á netinu og komst í úrslit!  Stelpan lét foreldra sína auðvitað ekkert vita frekar en fyrri daginn og hefðum við sjálfsagt ekkert frétt af þessu nema af því að það barst bréf um þetta eftir að hún var komin til Íslands.  Ljóðið hennar er á ensku, alveg rosalega flott, og verður gefið út í ljóðabók í henni stóru Ameríku!  Ekki amalegt af 15 ára stelpu frá Hornafirði!

Hinar stelpurnar mínar bíða eftir að komast í sumarfrí með pabba sínum eftir 9 daga!  Sjálf verð ég að vinna í allt sumar við það að hjálpa öðrum að komast í frí til útlanda.  Mér líkar rosalega vel í vinnunni en það er ótrúlega margt að læra.  Og svo reynir maður auðvitað að láta kúnnana ekki fatta hvað maður veit lítið.  Því að fólk ætlast virkilega til þess að maður viti allt um allt!  Eins og t.d. í gær þegar unga parið spurði mig hvernig veðrið væri í Oman um þessar mundir.  "Oman -OMAN!!  Hvar í fj.... er eiginlega Oman?? ", hugsaði ég.  Og svo bættu þau við:  "Hvort er það í Asíu eða Afríku?" á meðan ég var enn að reyna að gúggla Oman svo lítið bæri á með bros á vör.

Jæja, elskurnar mínar.  Ég vona að þið eigið gott og blítt sumar!

Læt fylgja hér með kort af Oman sem Nota bene er í Mið-Austurlöndum!

Athugasemdir

[Álfheiður Ingólfsdóttir (IP-tala skráð) 9.7.2008 kl. 20:34]

Sæl og blessuð og til hamingju með afmælisdaginn og árin 40. Gaman að heyra að líðanin er betri en fyrr og nú bíð ég sjálf spennt eftir að fylla 40 árin sjálf og öðlast þá enn betri líðan en fyrr, þó það sé nú erfitt :o)

Skilaðu kveðju til Óla!

[Birna Dis Vilbertsdóttir (IP-tala skráð) 10.7.2008 kl. 11:24]

Til hamingju.Okkur hjónakornunum langar til Ísraels takk fyrir

[Guðrún Arna Möller (IP-tala skráð) 11.7.2008 kl. 04:39]

Innilega til hamingju með afmælið! Og til hamingju með stelpuna.  Greinilega gott efni þar á ferð.

 Mikið rosalega hlýtur að vera gaman í vinnunni.  Ég er algjör landafræði auli og hefði ekki getað falið það fyrir parinu. 

Hafðu það sem allra best! 

[Bertha Sigmundsdóttir, 14.7.2008 kl. 15:26]

Tho svo ad eg se nokkrum dogum of sein ad hringja, blogga, eda senda ther netkort i tilefni dagsins, tha thydir thad ekki ad mer thykir ekki rosalega vaent um thig, elsku besta gamla kellingin min... Gamla hvad???? Thu ert og verdur alltaf 25 i minum augum, thvi ad thad er nu ekki haegt ad sja aldurinn a ther, tho svo ad madur heyrir thad stundum thegar thu gefur manni god rad, og leyfir manni ad vaela i ther. Eg er sjalf a leidinni ad verda halfsjotug, thannig ad eg er ekkert alltof hress med thad, en vard hressari a thvi ad lesa bloggid thitt, thvi ad utlitid er ad hlutirnir byrji um fertugt!!!! Elsku besta Heida min, mer thykir svo vaent um thig, thu ert eins og systir min, mamma min, besta vinkona min, og allt thar a milli. Thad er gaman ad heyra ad afmaelisdagurinn var skemmtilegur, og kannski i framtidinni, tha skellum vid okkur bara til OMEN, thvi vid vitum nuna hvar thad er Thokk se Google, gotta love it Kossar og knus a lidid, takk fyrir simtalid i gaer, elskan min...

[Aðalheiður Haraldsdóttir, 16.7.2008 kl. 18:52]

Takk fyrir kveðjurnar.  Bertha mín - þú ert bara SVONA mikil dúlla!