LÉT VITA AF FYRIRÆTLUNUM SÍNUM

Þessi atburður er auðvitað hræðilegri en nokkur orð fá lýst.  Að 18 ára gamall unglingur skuli ganga berserksgang með skotvopn í skólanum sínum, myrða 8 manns og síðan taka sitt eigið líf.  Allt var þetta fyrirfram ákveðið hjá drengnum.  Á heimsíðu sinni lýsti hann ástæðum gerða sinna og réttlætti fyrirætlanir sínar.  Hann hyllti Hitler, Stalín og nemendurna tvo sem skutu 32 til bana í Virginia Tech skólanum í Bandaríkjunum.  Það virðist sem atvikið í Bandaríkjunum hafi e.t.v. verið hans fyrirmynd.  Sorglegt.  Afar, afar sorglegt.

Blöðin hér hafa sagt að heimasíða hans hafði verið skoðuð 200 þúsund sinnum áður en henni var lokað í gær.  Sú spurning sem hefur vaknað hjá mér er því þessi:  Hversu margir lásu þetta ÁÐUR en verknaðurinn var framinn?  Mér finnst skelfilegt að hugsa til þess að e.t.v. hefði verið hægt að koma í veg fyrir þetta ef einhver sem hugsanlega las skrif hans hefði tekið þau alvarlega og gert viðvart.

Ég er með unglingsstúlku á heimilinu og ætla að setjast niður og ræða þessi mál við hana.  Sjái maður svona hluti á netinu ætti maður ekki að taka þeim sem einhverju gríni.  Maður veit aldrei hvenær alvara liggur að baki.

Mér hefur líka verið hugsað til foreldra og fjölskyldu piltsins.  Þau þurfa ekki aðeins að fást við missinn, heldur líka tilhugsunina um þann hræðilega verkað sem hann framdi, og kannski reiði og fordæmingu annarra.  Það getur örugglega enginn gert sér í hugarlund hvernig þeim líður.

 

Finnland: Morðinginn skildi eftir sjálfsvígsbréf

Athugasemdir

[G (IP-tala skráð) 9.11.2007 kl. 09:02]

Það voru 2 nemendur sem hófu skothríð í skóla í Columbine, í Virginia Tech var einn jólasveinn að verki

[Aðalheiður Haraldsdóttir, 9.11.2007 kl. 10:15]

Annað hvort hef ég lesið vitlaust eða Dagens nyheter ruglað þessu eitthvað saman.

[Birna Dis Vilbertsdóttir (IP-tala skráð) 9.11.2007 kl. 16:37]

Það er fróðlega að vita hversu margir lásu síðu þessa ógæfusama drengs fyrir hryllinginn og hvert ætti fólk að leita með svona upplýsingar mundi ég vilja vita.

[Hulda Dagmar Magnúsdóttir, 9.11.2007 kl. 19:40]

Já það er mjög áhugavert að vita hve margir lásu um þetta áður en hann framkvæmdi.... og vesalings fjölskyldan, ekkert lítið sem maður finnur til með henni. Annars er held ég eitthvað innprentað í mann að trúa ekki að einhver geti gert það sem manni sjálfum finnst óhugsandi. Ég veit ekki alveg hvernig ég mundi bregðast við ef ég læsi svona... kannski bara hugsa " enn einn brjálæðingurinn með athygglissýki". Þó reynslan hafi nú sýnt það að manni er hollast að taka upp tólið og hringja í lögguna.

Það er mjög gott hjá þér að ræða þetta af alvöru við unglinginn á heimilinu..... lífið er því miður ekki alltaf bara gott og fallegt.

Eigðu góða helgi

[Bertha Sigmundsdóttir, 11.11.2007 kl. 02:46]

Já, elsku Heiða mín, því miður er þetta svona í heiminum í dag, manni finnst þetta óhugnalegt og sorglegt, ég finn til með öllum þeim sem eru að þjást núna vegna gjörðar eins stráks. Gott hjá þér að tala við Rebekku um þetta, það er bara orðið þannig í dag að enginn er óhultur, hvar sem hann/hún býr í heiminum, sorglegt en satt. Það er betra að ræða málin, öll mál, við börnin sín, svo að þau komi ekki af fjöllum ofan ef eitthvað hræðilegt kemur fyrir þau, allaveganna geta þau brugðist betur við en þau börn sem foreldrar ræða málin ekki við.

Ég sakna ykkar allra og hlakka til þess að sjá ykkur á msn, vonandi fljótlega...